शिव हेच सत्य, शिव हेच अनंत, ___________ रावांचे नाव घेते, आम्ही महादेवाचे भक्त.

लग्नाच्या आधी केळवण, ठेवण्याची आहे प्रथा,____________ रावांची आणि माझी, तुम्हाला ऐकवेन प्रेम कथा.

तूच माझा हमसफर, तूच माझा राही, _____________ रावांचे नाव घेते, मी त्यांच्यासाठी करेन सर्व काही.

जीवनसाथीवर पाठवली होती, यांनी रिक्वेस्ट, परंतु _____________ रावांना केले मी, आयुष्यभरासाठी एकसेप्ट.

खूप प्रयत्न करून, हा सप्तपदीचा धागा जुळला, ______________ रावांमुळे माझ्या, नशिबाचा दरवाजा खुलला.

गंध हा, श्वास हा, स्पर्श तुझा सांगतो, _______________ सारखी प्रेमळ पत्नी भेटली, देवाचे आभार मानतो.

चंद्रासोबत चांदणी जशी, तसा माझ्यासोबत राहशील का? __________ राव मला ७ जन्माची, साथ देशील का?

अवचित नयन उघडता, नवल घडले, _____________ रावांना आले स्थळ फार, पण माझ्यावरच अडले.

जडतो तो जीव, लागते ती आस, ___________ रावांना केले मी, बघण्याच्या कार्यक्रमातच पास.

वाहते चहूकडे, शुभ्र हे चांदणे, ______________ रावांच्या घरी आजपासून, सुरु माझे नांदणे.

आभाळ खाली झुके, पावलांखाली धुके, ____________ रावांसोबत लग्न जुळून, दोन्ही घरी आली सुखे.

पुणेरी पाट्यांना, नाही कोणाची तोड, मी मुंबईची आहे पण मला, __________ पुणेकरांची लागली ओढ.